Әлеуметтік педагогтың 2021-2022 оқу жылындағы жылдық жұмыс жоспары
Бекітемін:_______________
№141К.Сәбиров атындағы
орта мектеп директоры С.Әбуұлы
№141 К.Сәбиров атындағы орта мектебі әлеуметтік педагогының
2021-2022оқу жылына арналған жылдық жұмыс жоспары
Әлеуметтік педагог М.Аманқұлов
Әлеуметтік педагогтің негізгі міндеттері мен қызмет мазмұны
«Әрбір бала жылулық пен сыйластық ұялаған және оған қамқор болатын отбасында өсуі керек»
Г. Гмайнер
«Балалардың әлеуметтену мәселелеріне тоқталып, оған заман талабына сай көмек көрсету, құқығын қорғау, өмір сүру мүмкіндігіне, әлеуметтік реабилитация мен бейімделуіне, жұмысқа орналасу мен тұрғын үймен қамтамасыз ету жұмыстарын талдап жандандыру».
Елбасы Н. А. Назарбаевтың 2010 - 2020 жылдарына арналған «Жаңа он жылдық- жаңа экономикалық өрлеу - Қазақстанның жаңа мүмкіндіктері» жолдауында келесі стратегиялық бағыт көрсетілген. «Өмір сапасын жақсарту және әлеуметтік қорғау. Алда тұрған онжылдықтың аса маңызды міндеті - Қазақстанның барлық азаматтарының өмір сапасы мен деңгейін жақсарту, әлеуметтік тұрақтылық пен қорғалуды нығайту. Ел халқы санының 2020 жылы 10% - ға өсуі үшін мемлекет барлық қажетті жағдайларды жасайтын болады. Әлеуметтік қызметтер тек мұқтаж адамдарға көрсетіліп, қазіргі заманғы стандарттар мен Қазақстандағы өмір сүру деңгейіне сәйкес болуы керек.»
Әлеуметтік педагог. Дүние жүзіндегі өркениетті мемлекеттерде тәрбиенің теориясы мен практикасындағы жетекші тенденция - әлеуметтік педагогика рөлінің артып отыратындығын көрсетіп отыр. Қоғамдық өмірдің жан - жақты демократияландыруы мен гуманизациялау процесінде сонымен қатар Қазақстан Республикасының білім жүйесінде адами-тұлғалық қатынастың атмосферасын объективті тұрғыдан жасалуын талап етеді. Бұл өз кезегінде кәсіби мемлекеттік - қоғамдық тәрбиелеу құрылымдарының өмірден, отбасынан, әлеуметтік - мәдени ортадан алшақтауын жою арқылы балалар мен жастарды әлеуметтік тәрбиелеу жүйесін өзгерту жолдарын іздестіруді қажет етеді.
1991 жылы біздің елімізде әлеуметтік педагог қызметінің енгізілуі кездейсоқтық емес. Елімізде әлеуметтік жұмыстың кәсіптік деңгейге көтерілуі - маңызды мәселе. Бұл мамандықтың болашағына, мемлекеттің әлеуметтік саясатының, жастар саясатының өзекті проблемаларының шешілуіне кадрлар санасының тигізер әсері мол білім беру мекемелерінде әлеуметтік педагог мамандығының енгізілуі, бүгінгі таңдағы оқушылардың қоғамға, әлеуметтік ортаға бейімделуі, әлеуметтенуіндегі қиыншылықтар, оның тұлғалық қасиеттерін зерттеуге , зерттеу нәтижесінде түзету жұмыстарын жүргізуге, өмірдің қиын жағдайынан шыға білуге ықпал етуге қажеттілігінен туындап отыр. Бұл жұмыс мамандық қана емес, сонымен қатар, бұл біз қол ұшын беретін, адами проблемаларын бірге шешетін, проблемаларды тиімді, дұрыс шешілу жолдарын табатын адамдар тағдыры. Осындай жауапты жұмысты атқара отырып, біз оның табысты болуына барлық қоғам мүдделі екенін есте ұстауымыз керек. Болашақта әлеуметтік педагог мамандығы мұғалім мен медицина қызметкерлері секілді бұқаралық сипатқа ие болады. Себебі қоғам үшін «әлеуметтік эпидемиямен» күрескеннен, «әлеуметтік аурулардың» алдын - алу әлдеқайда тиімді екендігі белгілі.
1. Білім беру мекемелеріндегі әлеуметтік педагог жұмысын ұйымдастыру.
Білім беру мекемелерінде әлеуметтік педагог мамандығының енгізілуі, бүгінгі таңдағы оқушылардың қоғамға, әлеуметтік ортаға бейімделуі, әлеуметтенудегі қиыншылықтар, оның тұлғалық қасиеттерін зерттеуге, зерттеу нәтижесінде түзету жұмыстарын жүргізуге, өмірдің қиын жағдайынан шыға білуге ықпал ету қажеттігінен туындап отыр. Әлеуметтік педагог балалардың әлеуметтік тәрбиесін ұйымдастырушы және әлеуметтену процесінің жоспарлы және мақсатты түрде өтуіне жағдай жасайтын маман.
«Тұлға - отбасы - қоғам» жүйесінің өзара әрекеттесуі жүйесінің үйлестірушісі бола отырып, қоғамда, отбасыда, микросоциумда ізгілікті қарым - қатынасқа тәрбиелеуге әсер етеді. Әлеуметтік педагог жұмысының негізгі қызметінің бірі оқушының ұтымды әлеуметтенуіне әсер ететін баланың кіші ортасын ұйымдастыруға, қалыптастыруға әсер ету. Бұл жұмыс мамандық қана емес, сонымен қатар бұл біз қол ұшын беретін, адами проблемаларын бірге шешетін, проблемаларды тиімді, дұрыс шешуге жолдарын табатын адамдар. Осындай жауапты жұмысты атқара отырып, біз оның табысына барлық қоғам мүдделі екенін есте ұстауымыз керек.
Әлеуметтік педагог - өсіп келе жатқан тұлғаның мүддесін, заңдық құқығын қорғаушы. Әлеуметтік педагог - сырттан бақылаушы емес, ол балалар мен ересектердің бірлескен қызметінің тікелей қатысушысы, сонымен қатар - бұл қызметтің жетекші ұйымдастырушысы. Оның барлық күш жігері адамды әрекетке, әлеуметтік инициативаға, қиын жағдайдан шығу жолын іздеуге, оятуға бағытталады және адамдардың проблемасын өздері шеше алуына көмектеседі. Әлеуметтік педагогты рухани жетекші, тәлімгер десек те болады, себебі ол жылдар бойы баламен, оның отбасымен жұмыс жүргізеді, әлеуметтік, жалпыадамзаттық құндылықтардың қалыптасуына ықпал етеді. Сонымен бірге ол әлеуметтік терапевт - өзінің қамқорлығындағы адамдардың кикілжіңді жағдайын шешуге, осыған сәйкес мамандарға көрінуіне көмектеседі. Әлеуметтік педагог әрқашан өзінің клиентінің құқығын қорғайды, «әлеуметтік диагноз» қоюда эксперт ретінде қатыса алады.
2. Әлеуметтік - педагог жұмысының негізгі бағыттары
1. Диагностикалық қызметі
2. Өз қызметі шеңберінде көмекті қажет ететін балаларды әлеуметтік қорғау.
3. Кәмелетке толмағандардың, ата - аналардың құқықтық тәрбиесін ұйымдастыру.
4. Ерекше назардағы оқушылармен жұмыс.
5. Сынып жетекшілері, медициналық қызметкерлер, ата - аналар комитетімен т.б. өзара қарым - қатынасты үйлестіру.
Өз қызметінде әлеуметтік педагог ҚР Конституциясын, бала құқығы туралы Конвенцияны,ҚР 2002 жылғы 8 тамыздағы «Бала құқығын қорғау туралы» Заңын, ҚР Ү 2011 жылғы 26 желтоқсандағы «Неке (ерлі-зайыптылық) және отбасы туралы» Кодексін және ҚР басқа да нормативтік құқықтық актілерін басшылыққа алуы қажет.
Өз қызметін атқару барысында төмендегіше дерек көздерін негізге ала отырып негізгі бағытта жұмыс атқарады:
- білім беру мекемелерінің әлеуметтік педагогтерінің құжаттары мен әдістемелік әдебиеттерінің тізімі;
- әлеуметтік педагогтің лауазымдық міндеттері;
- әлеуметтік педагогтің жылдық және айлық жоспарлары;
- 0 - 18 жасқа дейінгі балалар тізімі;
- мектепішілік бақылауда тұратын балалар тізімі;
- қорғаншылық органдарының бақылауында тұратын қамқоршылық тәрбиедегі отбасыларының балалары, көп балалы бір ата - анасымен аз қамтамасыз етілген отбасы балалары;
- қолайсыз отбасы балалары, мүгедек балалар тізімі;
- патрионаттық отбасы тәрбиесіндегі балалардың жеке карточкалары;
- ата - аналар үшін жадынама;
- әдістемелік нұсқаулар;
- баланың әлеуметтік мәселелерін шешу және мұғалім мен оқушы арасындағы кикілжіңді реттеуге арналған әдістемелік нұсқаулар;
- облыс пен аудан бойынша оқушылар мен ата-аналарға арналған, олардың өзекті мәселелерін шешу жолдарына көмектесетін анықтамалық ақпарат;
- кіріс және шығыс құжаттары;
- атқарылған жұмыстардың есебі;
3.Әлеуметтік педагогтің қызмет мазмұны:
Әлеуметтік педагог өз қызметін үш бағытта жүргізеді
- Балалар мен отбасының мүшелеріне жүргізілетін психодиагностикалық, психокоррекциялық қызмет әдістерін негіздеп сараптайды және өңдейді.
- Социумдағы әлеуметтік жағдайды зерттеп және оған болжам жасау арқылы отбасы мен балаларға әлеуметтік - педагогикалық нақты көмек формаларын және түрлерін ұсынады.
- Баланың жан - жақты психологиялық дамуына жағдай жасау, оқу мен тәрбиеге теріс көзқарасты жою, салауатты өмір салтына оңды көзқарас қалыптастыру, бала тұлғасы дамуының бұзылу себептерін анықтап, алдын - ала сақтандыру шараларын жүргізу, үгіт - насихат жұмыстары арқылы педагогтер мен балалардың психологиялық, құқықтық біліктілігінің жоғары болуымен анықталады.
4. Әлеуметтік педагогтің міндеттері:
Баланың жас ерекшелігінің әрбір кезеңіне байланысты жеке дамуына кешенді ықпал ету.
Өзара қарым - қатынаста, оқу барысында қиындыққа ұшыраған оқушыларға әлеуметтік - педагогикалық көмек беруді қамтамасыз ету.
Оқушы отбасының тәрбие жағдайын зерттеу.
Баланың жеке дамуындағы ауытқушылықтың алдын - алу және болдырмау.
Мектеп пен тұрғылықты мекен жайында тұлғаны қорғау, тәрбиелеу және оқу - ағартуды кешенді жүргізеді.
Оқушылардың жеке психо - медициналық және педагогикалық ерекшеліктерін зерттейді.
Оқушының қызығушылығын, сұранысын, мінезіндегі ауытқушылығын, шиеленісті жағдайларын анықтап, мезгілінде көмек көрсетеді.
Тәрбиеленушілердің өмірін қорғауды, қауіпсіздендіруді қамтамасыз етеді, оқушының қиындығы мен проблемаларына, тәртібіндегі ауытқулары кезеңінде тез арада әлеуметтік көмек және қолдау көрсетеді.
Тұлғаның дамуы мен тәрбие проблемаларын шешуде отбасыларымен серіктестік, әріптестік қарым - қатынастар орнатып, ынтымақтастықпен жұмыс жүргізеді.
Әлеуметтік - педагогикалық диагностика әдістемесін анықтайды.
Патрионат бойынша тұрғын үй, зейнетақы беру, ата - ана қамқорлығынсыз қалған баланың мүліктік және мүліктік емес құқығы бойынша жұмыс жүргізеді.
Сабақтан тыс уақытта оқушының физикалық және дарындылық талабын дамытуға жағдайлар жасайды.
Медициналық - әлеуметтік тәуекелшілдер тобына жататын балаларды анықтайды.
Мемлекеттік, қоғамдық ұйымдар мен балалар арасында қарым - қатынас орнатады.
Әлеуметтік ортадағы гуманистік, рухани - адамгершілік қатынастардың қалыптасуына ықпал етеді.
Тұлғаның қоғам өміріне тиімді кірігуіне, Отанды сүю, қоршаған табиғи ортаны аялауына және азаматтық тәрбие беру шараларына ықпал етеді.
Психологпен, мұғалімдермен, ата - аналармен немесе оларды ауыстыратын адамдармен бірлесіп, тығыз қарым - қатынаста жұмыс істейді.
Білім беру ұйымдарының білім беру бағдарламаларын құрастыруға, бекітуге, оны жүзеге асыруға қатысады және өзінің құзіреттілігі бойынша олардың орындалуына жауап береді.
Әлеуметтік педагогтің құқығы:
баланың педагогикалық медициналық құжаттарын қарауға.
сабақтарға қатысып отыруға,
баланың денсаулығы мен құқығын қорғау бойынша мектеп әкімшілігінің, медициналық, педагогикалық қызметкерлерінің және қоғамдық ұйымдардың алдында көкейтесті мәселелерді қоюға, медициналық- әлеуметтік мәселелер бойынша білім мекемелерінің эксперттік шешімдеріне араласуына, отбасы мүшелерінің мектеп пен отбасындағы кепілдігін анықтау мәселесін (даулы жағдайда) қоюға, қажетті кезде тиісті органдарға ата - ана құқығынан айыру мәселесін ұсынуға, балалар мүддесін сотта қорғауға жетеді.
Әлеуметтік педагогтің әрекет ету кезеңдері
1-кезең - оқушылардың әлеуметтік өмірінің шынайы болмысын зерттеу.
2-кезең - зерттеу материалдарының қорытынды құжаттарына сәйкес мақсат - міндеттерді анықтайды, проблемалық жағдайға тап болған субъектілердің әлеуметтік өмірінің мүмкіндіктерін есепке алады және жұмысты жоспарлайды.
3-кезең - әрбір іс пен әлеуметтік - педагогикалық қызмет кезеңдеріндегі зерттеу нәтижелері мен жоспардың іске асырылу барысында жеткен жетістіктерді конструкциялау жұмысын жүзеге асырады.
Әлеуметтік педагогтің 2021-2022 оқу жылына арналған жылдық жұмыс жоспары.
Мақсаты:
Жас ұрпақтың тәрбиесіне қойылатын жаңа заман талабы адамгершілік құндылылықтарды қастерлейтін, өз Отанын сүйіп және құрметтейтін, кез келген жағдайда өзара қарым-қатынас жасай алатын, өзін - өзі жетілдіру арқылы өмірлік мақсаттарына жете алатын, жеке қызығушылықтары мен қажеттіліктерін қоғам талаптарымен үйлестіре білетін әлеуметтенген тұлға қалыптастыру.
Міндеттері:
- Оңтайлы тәрбие үрдісін ұйымдастыруға, соның негізінде жеке тұлғаның дамуы мен қалыптасуына баса назар аударуға, тәрбие сағаттарын ұйымдастыруға сынып жетекшілерге жәрдемдесу.
- Отбасы мен мектеп арасындағы қарым - қатынасты ұйымдастыру, оқу барысындағы коррекциялық тізімдегі және басқа оқушыларға әлеуметтік-педагогикалық көмек көрсету.
- Әлеуметтік жағдайы нашар, тұрмысы төмен, көп балалы отбасыларын анықтап, оларға көмек ұйымдастыру.
№ | Атқарылатын іс-шаралар | Мерзімі | Қолданылатын әдістер | Тиісті | Жауапты |
1. | - Әлеуметтік педагогтің жылдық жоспарын құру; - «Мектепке жол» акциясын ұйымдастыру | Тамыз | Жалпылама | Шұғыл көмек қажет ететін көп балалы, тұрмысы төмен жетім балалар; | Әлеуметтік педагог |
Сынып жетекшілерімен жұмыс | |||||
2. | - Мектепке келген оқушыларға әлеуметтік диагностика жасау; - Сынып жетекшілерден оқушылардың әлеуметтік тұрмыс жағдайын зерттеу жөнінде мәліметтер жинау; - Мектеп асханасынан арендатор есебінен тегін ыстық тамақпен қамтамасыз етілетін оқушыларды анықтау; - Мектеп оқушыларының әлеуметтік картасын және картотекасын жасау:
| Қыркүйек 1 апта 2 апта 3 апта 4 апта | Оқушылардың әлеуметтік жағдайын анықтау арқылы, әр категорияға бөлу; | Сынып жетекші Ата – ана Әр категориядағы оқушылар | Әлеуметтік педагог Сынып жетекшілері |
3. | - Ата -ана қамқорлығынсыз қалған қамқоршылыққа алынған оқушылармен жұмыс жүргізу, баланың жай күйін, әлеуметтік жағдайын бақылау; - Әр сыныпқа әлеуметтік диагностикалық куәлік (паспорт) жасау; - Әлеуметтік жағдайы аз қамтылған оқушылармен жекелей жұмыс жүргізу, анықтау актісін толтыру, комиссияға құжаттарын дайындау; - Жалпыға міндетті оқу қорынан бөлінетін қыстық киімді тарату. Құжаттармен жұмыс; | Қазан 1 апта 2 апта 3 апта 4 апта Мерзімінде | Әлеуметтік топтағы оқушыларға сауалнама алу Әлеуметтік топтағы оқушылардың ата-аналарынан сауалнама алу; Баяндама, асхана мәзірі жайында оқушыларға сауалнама; | Мектеп оқушылары 1 - 2 сынып оқушылары, және аз қамтылған оқушылар | Сынып жетекшілері Әлеуметтік педагог Психолог |
Оқушылармен жұмыс | |||||
4. | - Мектеп оқушыларының қоршаған ортасының дамуына бақылау мониторингін жасау; - Оқушылардың әлеуметтік ортасын (отбасы, әлеуметтік ортасы және қызығушылығы) диагностикалау және отбасын анықтау мақсатында анкеталар жүргізу; - Үйде оқытылатын оқушылардың әлеуметтік тұрмыс жағдайымен танысып, үй жайын аралап, ата-аналарымен сұхбаттасу; | Қараша 1 апта 2 апта Тоқсан сайын | Сауалнамалар алу | 8 - 11 сыныптар арасында Мүмкіндігі шектеулі балалар | Әлеуметтік педаго Мектеп аяжандары |
Отбасымен жұмыс | |||||
- Әлеуметтік қамқорлықтағы балалардың тұрғын-жайын зерттеу актілерін жүргізу; - Ата-аналар жиналыстарына қатысу; - Сынып жетекшілерінің әлеуметтік көмекті қажет ететін оқушылардың ата - аналарымен байланысын қадағалау; | 3 апта 4 апта Тоқсан сайын Үнемі | - - - “Отбасы мен ата - аналары баланың көзімен” тақырыбында сауалнама | Ата - ана Сынып жетекші | Әлеуметтік педагог Сынып жетекшілері | |
Директордың тәрбие жұмысы жөніндегі орынбасары мен әлеуметтік педагогтің бірлескен жұмысы | |||||
5. | - Тәрбиесі қиын оқушылардың әлеуметтік тұрғын - жайын анықтау. Ата - аналарымен байланыс жасау; - Қазақстан Республикасының президентінің және қала әкімінің жаңа жылдық шыршасына баратын балалардың тізімін жасақтау; - Әлеуметтік педагог, пән мұғалімдері, психологтар, сынып жетекшілермен және әкімшілікпен кеңесе отырып бірқатар іс - шаралар өткізу; Ыстық тамақтың берілуі, асхана жұмысын қадағалау; Жыл басына дайындық жұмыстарын жүргізу; - Жаңа жылдық шыршаға әлеуметтік қамқорлықтағы оқушыларды сыйлықпен қамтамасыз ету; | Желтоқсан Үнемі 2 апта 3 апта 4 апта | Оқушылардың сабаққа қатысу жағдайын анықтау арқылы, ата - аналарымен байланыса отырып оқушының бос уақыттарын ұтымды пайдаландыру; Сабақтан тыс оқушылардың оқу әрекетін анықтау мақсатында тренингтер жүргізу; | Мектеп инспекторы, Қабілеті төмен оқушылар Ата - ана Көмекті қажет ететін көп балалы, жетім балалар; 5 - 6 сынып оқушылары; Сабақтан көп қалдыратын оқушылар; | Директордың тәрбие жұмысы жөніндегі орынбасары Әлеуметтік педаго Сынып жетекшілері Психолог |
Әлеуметтік педагог пен психологтің бірлескен жұмысы | |||||
6. | - «Қамқорлық» акциясын өткізу, қайырымдылық көмек көрсетілетін оқушыларды анықтау; Отбасында қиын жағдай орнаған оқушылардың ата-аналарына, оқушыға және қиын және құқық бұзуға бейім оқушылармен әлеуметтік - психологиялық жұмыстар жүргізу; - «Мен және жанұям» тақырыбында оқушыларға семинар сабақ өткізу; - Қабілеті жоғары және үлгерімі төмен оқушылармен әлеуметтік педагогикалық және психологиялық жұмыстар жүргізу; «Қамқорлық» акциясы аясында демеушілермен іс - шара өткізу; - «Қамқорлық» акциясы аясында өткізілген жұмыстар жөнінде АББ мәліметін өткізу. | Қаңтар 1 апта Үнемі 2 апта 3 апта Үнемі 4 апта | Қайырымдылық акциясына берілген ақшалай көмекті теңдей етіп бөліп беру; - - Тренингтер, терапия түрлері; - - - | 7 сынып оқушылары | Сынып жетекшілері Әлеуметтік педагог Психолог |
Қиын және құқық бұзуға бейім оқушылармен жұмыс | |||||
- Мектепішілік есепте тұратын қиын және құқық бұзуға бейім оқушылардың отбасына әлеуметтік жағдайларын анықтау үшін тұрғын жай актін жүргізу; - Қолайсыз отбасыларды анықтау және рейд жүргізу; - Білім беру мекемелері мен КТЖБИ қызметкерлерімен оқушылар арасындағы құқық бұзушылықтың алын алу мақсатында бірқатар іс - шаралар ұйымдастыру; | Ақпан Үнемі 1 апта 2 апта | - - Заң органдарының қызметкерлерімен кездесу өткізу; | Мектеп инспекторы Әлеуметтік педагог | ||
Оқушылардың дамуына әлеуметтік педагогикалық жұмыс | |||||
7. | - Жасөспірімдер арасында қылмысты болдырмау мақсатында кездесулер ұйымдастыру; - Оқушылардың әлеуметтік картасын толтыру үшін сынып жетекшілерінің материал жинауына көмек көрсету; | Наурыз 1 апта 2-3 апта 4 апта | Заң органдарының қызметкерлерімен кездесу өткізу; - - | 8 - 9 сыныптар 7 - 8 сыныптар | Директордың тәрбие жұмысы жөніндегі орынбасары |
8. | - «Салауатты тамақтану - болашақ ұрпақтың денсаулығы» тақырыбында оқушылармен семинар, тренинг сабақтар ұйымдастыру; | Сәуір Ай бойы | Қабырға газеттерін, «жас суретшілер» сайысын ұйымдастыру; «Күннің шуағы» жаттығуы Мақсаты: Өзінің ең жақсы қасиеттерін анықтау, қиын ситуацияларды жеңуде аталған сапаларын қолдануға дағдылану; | 3 - 7 сынып оқушылары 11 сынып оқушылары | Сынып жетекшілері Психолог Әлеуметтік педагог |
Әдістемелік ұйымдастыру жұмыстары | |||||
- Әдістемелік оқу құралдарын жинақтау (ата-аналарға, сынып жетекшілерге және оқушыларға арналған жадынама); - Мектепішілік педагогикалық кеңестерге қатысу; - Қалалық, облыстық семинарларға қатысу; - Білім көтеретін курстарына бару; | 4 апта Жыл бойы Жыл бойы | - - - | Әлеуметтік педагог | ||
9. | - Сынып жетекшілеріне педагогикалық көрсеткіштердің қорытындысындағы кемшіліктерді түзетуге ұсыныстар жасап кеңес беру; - Келесі оқу жылында кемшіліктер жібермеу үшін мектептің өткен оқу жылындағы қызмет жұмыстарын талдау; - Жазғы демалыс лагерлеріне әлеуметтік санаттарына байланысты оқушылар тізімін анықтау; - Әлеуметтік педагог қызметінің жылдық жұмыс жоспары бойынша атқарылған жұмыстарының нәтижесінің қорытынды есебін жасау; | Мамыр 1 апта Үнемі 2 апта 3 апта 4 апта | - - - - - - | Әлеуметтік педагог | |
1. Қ.Р-ның Конституциясы 2. Қ.Р-ның «Білім туралы» Заңы. 3. Қ.Р-ның «Неке және отбасы» туралы Заңы. 4. «Қ.Р-дағы бала құқығы туралы», 5. «Қ.Р-дағы тілдер туралы», 6. «Арнаулы әлеуметтік қызметтер туралы», 7. «Кәмелетке толмағандар арасындағы құқық бұзушылықтың және қараусыз қалуының алдын алу туралы», 8. «Сыбайлас жемқорлыққа қарсы күрес туралы заңдары». 9. Әлеуметтік педагогиканы, әлеуметтік педагогикалық жұмыстың әдістерін, түрлерін анықтау және диагностикалық әдістерді тиімді қолдану жолдарын қарастыру. 10. БАҚ - пен байланыста болу. | Жыл бойына | Әлеуметтік педагог | |||